網民熱話：自攜虎蝦食店加工　偷龍轉鳳變縮水海蝦？

父親節加上連續多日假期，不少人都會一家出外食飯慶祝，但遇上食店疑似「詐騙」，隨時換來一肚氣？昨日(16日)事主與家人光顧大埔街市一間食店，並自備海鮮到食店要求代為加工，豈料上枱時虎蝦竟換成一般海蝦，事主追問時，食店職員只回應﹕「蝦蒸過會縮水」，令事主極度不滿，並將不快事在網上申訴，食店負責人事後在網上反擊，指當日只收到一隻虎蝦，其餘均為一般海蝦，根本不存在「偷龍轉鳳」。

「買虎蝦去加工，竟然求其拎碟普通海蝦畀我！」事主一家人光顧大埔街市熟食中心的食店，並自備海鮮請食店加工，準備大快朵頤，豈料上枱時，事主竟發現原來手掌般大的虎蝦大為縮水，變成一般海蝦，懷疑價值逾200港元一斤的虎蝦被「偷龍轉鳳」，於是向店員追問，惟對方僅回應：「蝦蒸過會縮水」，事主直斥：「當啲客係白癡！」

「老實講，真係當人白癡嘅咩？一隻虎蝦屈人成碟。」一名自稱該食店負責人的男子發文回應事主指控。他指，事主當時只交出一隻虎蝦請他們加工，其他均是一般海蝦，所以「出品」才會與一般海蝦無異。他又指，當時正值晚上繁忙時間，人手不足加上事主主動提出賠錢，所以才答應賠償$390港元給對方了事。

網民有話說

Kenchi Kwok：啲蝦返老還童咁。

Jerry Lam：如果虎蝦煮完之後可以變咗做中蝦咁嘅大細，真係又長知識了！

Cola Chan：得一隻，咁可能阻礙視線，放左喺底，但又無影到，事後有無大家都唔會知，亦都唔會再有人信雙方。

Mansam Sam：打貓高手，大蝦變蝦米。

※緊貼網民熱話，掌握最熱話題，請關注網民熱話fb：