網民熱話：客人激怒代購　被嘲諷潮興便便美容

不少人都喜歡使用代購服務越洋購買產品，一名網民前日(24日)欲購買日本的藥妝產品，於是找來標榜「專業代購」的日本代購網店幫忙，由於想了解時下熱門藥妝，於是向代購查詢有否推介產品，惟對方竟回覆：「屎」，網民不忿斥責對方態度，惟對方堅持「代購係自己已有心儀商品，委託人去買，明唔X明啊？」，引起該網民憤怒直斥，「做生意做到你咁口臭，我都係第一次見」。

「原來問一句會畀人言語攻擊」，事主稱，當時只是問了一句「有冇啲咩推介嘅產品」，卻招來對方惡劣態度對待，對方稱，「我哋係代購，唔係推銷員，唔係零售。」更嘲諷事主：「依家個個都鍾意搽啲屎喺面度，你跟住又搽啦！」

有網民笑指不熟代購程序，還自以為是斥責別人，「不如你認清咩係代購先啦，自己丟完架以為放上網就有人幫？」有網民認為事主雖不熟程序，但代購態度確有問題，「都係問一句啫，冇咪話冇囉！」，事主事後主動刪走貼文，期間該代購以千字文回應事件，指事主未釐清代購程序，又斥事主懶得「做功課」，要人「餵到埋口」，直言「咁樣問有咩推介，侮辱緊人之餘，貶低埋自己，所以餵屎畀你就最貼切。」

該代購回覆東網指，他已從事代購近9年，遇過很多奇怪的客人，他解釋，「代購就係你要委託代購去幫你買你想要嘅嘢，呢樣嘢你最清楚係咩嚟。」

他憶述和事主的對話，「單憑一個(屎)字可以搞到咁...」他續指，「或者佢以為公開出嚟，我哋會低聲下氣發段聲明、講句sorry，但其實佢擺得上網就係想繼續將件事發大...」，提及當時為何不直接回答事主沒有推介，他指，「答佢冇，佢一句『都唔係做生意』，結果也是一樣。」他又稱，「就正正係咁縱容呢啲人亂問，成為X客日常。」

網民有話說

Lee Weiwei：佢Ｘ你係100%正確，人哋係代購。

凌少路：平時買開代購，點解又唔去返平時嗰間呢？

譚秋亮：樓主又唔係無禮貌咁問啊？唔使咁答啩？

Bill Chan：正常人問一兩句都唔會即刻答屎啊？

Joe Chow：顧客唔係皇帝，但都唔係隨便畀你X嘅。

※緊貼網民熱話，掌握最熱話題，請關注網民熱話fb：