網民熱話:聰明鼠智鬥馬鞍山居民 救走兩負傷同伴

20180629
東網電視
更多新聞短片
馬鞍山居民在網上訴苦,設置膠板及「老鼠米」亦無法力抗鼠患。(互聯網)

馬鞍山頌安邨鼠患嚴重,低層住戶尤其受影響。當區居民在網上訴苦,指在家中設置膠板及「老鼠米」捉鼠,本來「連中三元」,惟兩隻老鼠後來竟被同伴拯救逃走,無法將老鼠一網打盡。

力抗鼠患的是馬鞍山頌安的居民Herman,從他分享的照片可見,三隻奄奄一息的老鼠被黐在膠板上。事主指,當時目擊一隻老鼠逃出窗外,未幾其中兩隻老鼠竟離奇消失,相信是該隻逃脫老鼠回到戰場營救受傷同伴,「黐得好實,自己好難走到,如果有一隻從板外扯其餘兩隻出來再逃走就得。」對於未能戰勝牠們,事主感到十分氣憤,直言﹕「激死我,希望明早見到牠們一門四傑,自投羅網!」

有網民隨即留言指,對「識得返嚟救鼠」的行為表示驚訝,又指「識得返嚟救走兩件,香港人都未必有咁堅!」並建議事主應在家中安裝閉路電視,觀察鼠同伴如何救鼠,「其實最想知佢點救走,大家就學識點樣捉到之後防止同伴救到,保證下次一網打盡!」

亦有人建議事主加裝鐵紗網,堵塞窗口缺口,對抗老鼠兵團入侵。有網民則溫馨提醒:「你今次放鼠歸山,佢哋遲啲可能返嚟報仇!」

頌安區議員葉榮接受東網訪問時稱,「呢兩年多咗人投訴,亦收到低層住戶投訴有老鼠入屋。」他指出,自從頌安街市於2016年中至2017年間翻新,多了食肆進駐,加深鼠患問題。葉曾向房署及領展反映問題,「衞生情況真係唔理想,有時街市落貨區啲垃圾好多,啲老鼠就喺度搵食。」房署已在其中5個屋苑加裝鼠擋,他希望房署及領展可以改善區內衞生,定期放鼠藥及清洗街道。


網民有話說

Gallent Ma:都算有情有義啦,抵佢地逃生成功嘅!

Nelson Chan:唔好殺佢哋,帶佢哋去絕育,再放生佢哋,種善因得善果!

Ka Chun Kwok:可能救唔返嗰隻係大王子來,等陣返到去老鼠王國叫埋成隊老鼠軍團來圍剿你屋企。


※緊貼網民熱話,掌握最熱話題,請關注網民熱話fb: 
http://on.fb.me/1L3m1ro