你要知：薄皮西瓜會自爆？謹記望聞敲拍4步驟
20180713
東網電視
更多新聞短片
有網民購入的西瓜竟然自爆，究竟孰真孰假？
有市民買了小西瓜回家，兩日後竟發現西瓜「爆炸」！「得返塊皮，西瓜肉同西瓜汁流晒出嚟」。亦有台灣網民在網上反映，西瓜在客廳突然「自爆」，最後變成洩了氣的氣球，懷疑買了「黑心西瓜」。有果商就拆解西瓜自爆的迷思，更提供避免誤購「自爆」西瓜的貼士。
「其實佢應該唔可以叫爆炸，只不過係爛！」和興欄水果批發及零售負責人李瑞祺指出，某些品種的西瓜皮薄易爛，「一爛便會溶」。故此並非「中國的會爆炸」，而是因「熟到爛」。至於為何大一點的西瓜不見有「自爆」的情況出現？因為大的西瓜早已被欄商挑走，故市民較不常見。
李形容，西瓜較少由果肉開始爛。「西瓜比較少喺入面爛，通常一爛都會喺表皮上面見到。」故此，選購西瓜時可靠望、聞、敲、拍4個步驟來定奪。「有啲爛咗嘅會穿窿呀、會溶呀，或者會有好強烈嘅臭味。」而較細的西瓜亦有機會在瓜蒂上有裂口，甚至在表皮上起「泡泡」，「一個個窿咁噴啲泡泡出嚟」，已發出異味的西瓜便不要買不要食。
望及聞完後，便到敲及拍打，挑選西瓜時應同時敲一敲西瓜，「最緊要西瓜表面撳落去夠硬淨，敲落去『扑扑』聲！」如果是大西瓜，拍下去時要有彈手的感覺。對於一般人認為，瓜皮呈青色代表未熟，果肉深紅色便是甜的說法，李則不認同。「真係要睇佢嘅品種，有啲品種本身都係青色，或者瓜皮間紋好清晰，咁就冇得跟色睇。」
近日網上流傳指將西瓜切開時，皮肉「自己裂開」，甚至「空心」，懷疑是「膨脹劑」作怪，李則解釋此現像或因「皮薄」導致。「個西瓜皮薄，把刀又有啲厚度，夾硬整開就會裂開。」至於「空心」則因水分不足而造成，「嗰種西瓜起沙嘅，就算係好出名嘅寧夏西瓜都係咁，但係佢嘅甜度高。」
李解釋，所謂「膨脹劑」是在種植時加在土壤，加快西瓜收成時間。不過西瓜是否曾使用「膨脹劑」，就「真係冇得睇」，惟有靠消費者向有信譽的商戶選購。
另外，亦有一個較「保險」的方法，就是選擇有核的西瓜。「因為如果你買無核嘅西瓜，無論係咩地方都好，都係經過改良嘅嘢，令到啲核好細，甚至發育唔到。」為了個人健康，吃有核的西瓜較為安全。雖然有人會擔心不小心吞到果核會造成消化不良，李則認為不必太擔心，「好快就會排返出嚟！」
-------------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！