每日一片：睇你唔到？7人車撞低企出馬路阿伯

在馬路上必須打醒十二分精神，事關路面總有一些不是可預計的人和事發生。近日有車Cam就拍得一名阿伯竟站出馬路中央過馬路，一輛7人車駛經時，疑被盲點阻擋視線，將阿伯撞低。

事發於前日(12日)傍晚約6時，現場是深水埗石硤尾街及大埔道交界，由車Cam片段所見，當時一輛7人車沿石硤尾街右轉大埔道，司機似未留意到一名阿伯站於馬路中央等候過馬路，7人車繼續前進，結果右邊車頭撞向對方，阿伯未及反應，整個人被撞至倒地。期間司機似仍未為意發生車禍，再「篤油」前進才煞車。

網民對於司機竟看不到阿伯感到匪夷所思，「咁大個人企喺前面都睇唔到？」、「扭軚撞埋去嘅，有仇呀？」，不過有網民分析，司機視線可能受車頭盲點所阻，才引發意外。另外亦有人指深水埗屬「老區」，不少長者橫過馬路時都未有留意交通情況，所以路經該處要加倍小心。警方發言人表示，事件中78歲姓葉老翁受傷，送往明愛醫院治療，案件列交通意外有人受傷處理。