網民熱話：4蚊傳真無限張？無知女公審文具店冇人撐

餐廳食肆有任食優惠，文具店也有「放題」？今日（16日）有人在網上社交平台分享不快經歷，稱有文具店收取了11倍的傳真費，但網民非但不給予同情，反而取笑發文者邏輯有問題，甚至把貼文改編成「潮文」揶揄，嘲諷發文者無知。

發文者在Facebook群組「元朗吹水區」貼文，聲稱不幸幫襯「黑店」。事主指，早前到文具店傳真文件，問價時對方指一份4港元，不限紙張。於是她傳真了11頁文件。文具店最後索價44港元。她大感不滿，「我即理論，因為我有再次確認『份』係數量。當時職員仲話，你咪傻啦！一份係一張！」她批評職員把一份等同一張計算，又稱傳真過程中，其中一頁文件不見了，「最後我自行喺傳真機下面搵返。」她呼籲朋友不要光顧「黑店」。

不過發文者的「好意」不為網民所支持，更笑稱她是想「4蚊fax放題」。有人笑言，難道傳真100張都是收4港元，直指發文者邏輯有誤。也有人表示4港元傳真1頁文件，已經相當便宜，不明白為何事主仍想貪小便宜。另有網民把文中的「主角」由「傳真」變成「豆腐花」，創作潮文，取笑發文者。

網民有話說

Wong ToTo：一分錢一分貨，社會做事係要畀錢，人哋要舖租要食飯，用吓腦啦

Akama Cat：叫佢買部fax機開舖，我畀夠10蚊佢幫我fax全本字典

Frankie Wong：唔通1份100張都收你$4咩，醒啲喇

Agnes Ying：佢仲唔覺得自己有問題先搞笑

※緊貼網民熱話，掌握最熱話題，請關注網民熱話fb：