你要知:同黝黑肌膚講拜拜?拆解檸檬水美白法真偽
20180803
東網電視
更多新聞短片
![](/hk/bkn/cnt/news/20180803/photo/bkn-20180803060021516-0803_00822_001_01p.jpg?20180803094157)
檸檬水被吹捧成有神奇的美白效果,究竟是否可信?
夏天降臨,不少女士都會怕曬得一身黝黑肌膚,說到美白,藝人范冰冰的人生格言就是「要白、要白、要白!」她推崇的「檸檬水美白法」,就受到不少人追捧,認為多飲檸檬水,皮膚便可變白。然而這說法卻遭到質疑,甚至有人指早上喝檸檬水,不止未能美白,更有機會令皮膚變黑!究竟孰真孰假?東網請來醫生為你拆解。
坊間流傳的「檸檬水美白法」十分簡單,只需將半個檸檬切片,再用熱水浸泡在保溫壺內,多飲便可達到美白效果。不過,皮膚科專科醫生史泰祖直指:「搏命飲檸檬水係唔會變白嘅!」
史解釋,檸檬含有豐富維他命C,有助提升抗氧化能力,促進身體組織的修復功能,多飲更會令皮膚變得更光滑,不過就與美白無關。他提醒,有些人為達到美白效果,會選擇每天飲用大量檸檬水,其實此舉更為不當,事關檸檬汁屬酸性,腸胃欠佳者,有機會導致身體不適,「唔建議大家為咗美白去飲檸檬水,特別係腸胃弱嘅人!」
另外,不少人認為沖泡檸檬水應用冷水,避免當中維他命因高溫而遭破壞,這亦是事實。以熱水沖泡檸檬水,養份雖然不會完全流失,但有機會因水溫高而減少。
至於網上流傳「早上喝檸檬水,會令皮膚變黑」的說話又是否真確?「飲落肚再曬太陽,當然冇事啦!」史泰祖表示。不過當皮膚接觸檸檬汁或青檸汁後,若被太陽照射一段時間,則沾有汁液的皮膚有機會被曬紅,甚至曬傷。
「想個人白好易,就係防曬!」其實防曬才是最有效的「美白」秘方,史建議大家盡量避免去曬太陽,注意防曬、擔遮、太陽帽及太陽眼鏡等防曬裝備,以免紫外線直接照射皮膚。在日照強勁的中午,最好留於室內,減少「同陽光玩遊戲」。
「做足防曬就係美白第一步!」KOL小影(BabyShadow)自言天生膚色不算白,因此防曬功夫一定「做到足」,平日搽防曬乳液時,會使用約「5蚊銀」大小分量塗抹全臉。在選購防曬用品時,亦會注意其防曬系數是否足夠。她亦提醒,多喝水與足夠睡眠都有助促進新陳代謝,令皮膚變好。