政Whats噏：波叔抖暑　帶挈楊偉雄署任財爺

放暑假喇！正所謂「夏日炎炎正好眠」，加上立法會休會，政府官員都分批放假攤抖吓。財政司司長陳茂波(波叔)由下周四(16日)開始休假一星期，期間分別由創新及科技局局長楊偉雄署任4天，財經事務及庫務局局長劉怡翔署任3天。上任局長近三年嘅楊偉雄早喺去年4月已首嘗署任財爺滋味，相信今次應該駕輕就熟喇！

按照過往慣例，如波叔外訪或休假，署任財爺次序依次是劉怡翔、商務及經濟發展局局長邱騰華，但劉於本月3日至19日休假，邱亦於下周三(15日)至下月1日休假半個月，所以先帶挈楊偉雄可再度署任財爺。然而楊下周四至周日(19日)署任財爺期間，當中包括周末，港股休市，預料楊可以平靜地度過。