每日一片：擔遮擋太陽　單車版逆流大媽亂闖馬路

單車在馬路行駛亦屬交通工具之一，必須遵守交通規則，不過一些單車友就似乎無視這些規則。近日有車Cam就拍得一名大媽踩着單車，以一手擔遮，一手揸軚下，逆線在馬路行駛，行徑非常出位。

現場是油麻地渡船街向尖沙咀方向，事發於昨日(13日)下午近１時。片段開始，交通燈正亮起綠燈，馬路車來車往，突然一名大媽踩着單車逆線駛出，期間她一手擔遮擋太陽，僅以單手駕駛單車，不過大媽駕駛技術並未顯得特別精湛，行駛期間不停左搖右擺。

不少網民看過片段後，都替大媽「牙煙」：「真係畀佢嚇到個心都離一離。」有人認為她此舉是「累街坊」，「叻到，仲開遮唔使睇路！」