網民熱話：田螺小龜水塘放生 索女被批罪孽深重
20180825
東網電視
更多新聞短片
有女子在大埔進行放生，遭網民毫不留情狠批。（互聯網圖片）
放生生物可積功德？不少善信都會在海邊放生各種海洋生物。不過「外來物種」不止有機會影響自然生態，更可能「放生變殺生」。日前有疑似前女子歌唱組合成員在其專頁上載放生田螺和小龜相片，惹來不少網民怒斥她自私兼「無腦」。女事主事後急刪貼文，但仍有不少人「轉移陣地」繼續公審。
該名張姓女子昨日（24日）在其個人社交專頁發文，指自己與朋友到大埔淡水湖區放生「積功德」，「放了小龜和田螺，想再放淡水魚和小龜」，並形容此舉功德無量。貼文隨即被轉貼到其他群組，網民形容是「無知的可怕！人哋放生積功德，佢放死積罪孽。」有人指女事主放生田螺極具創意，也有人諷刺她「用心良苦」，「淡水魚最鍾意食田螺，專登放落去餵淡水魚的！」
網民認為在水塘放生不止會影響水質，更是觸犯法例，「亂放生」更會影響環境及破壞原生物種。女事主其後回應「我只係跟朋友去放生的地方放生，你覺得唔好，我可以唔Post。」根據《水務設施條例》，市民在水塘放生即屬違法，一經定罪，可處罰款最高5萬港元及監禁2年。
網民有話說
Icy Yeung：其實關你哋咩事？又唔係放生咗你屋企隻龜。
Alan Fung：好X有創意，放生田螺，下次放下螄蚶，田雞，元貝，總之打邊爐嗰啲嘢攞晒去放就啱啦！
Martin Cheung：積陰德？你去捐錢好過啦！
Tsz Laam Kwok：養過嘅魚唔識自己搵嘢食，最終會餓死或者被吃，咁唔係積德，係作孽，殺生！
※緊貼網民熱話，掌握最熱話題，請關注網民熱話fb：