斥20萬建「山墳」阻聚賭 運輸署︰鋪砌小丘園境

20180828
東網電視
更多新聞短片
對於運輸署話起花槽,點知變咗「山墳」,譚駿賢話?晒頭!

屋邨起「山墳」係咩玩法?近日有屯門街坊發現,友愛邨附近出現幾座半球體如「山墳」的建築物,嘲諷「農曆七月咁應節」。《港呢啲》聯絡上該區區議員,原來建「山墳」同阻截聚賭有關?

屯門區議員譚駿賢日前將「山墳」相片上載至其社交網站,顯示於友愛邨近翠寧花園皇珠路的入口,有兩座石造的半球體建築出現於花槽及輕鐵路軌間。據他觀察,仍有幾個「山墳」物體正在興建中!

譚駿賢向《港呢啲》透露,該位置本來有不少人聚賭,近3、4年來經常接獲街坊投訴,遂於上年年頭與相關部門商討應對方法,如興建單車泊位等。

他指事件最終由運輸署負責,惟有其他地區人士反對單車泊位建議︰「運輸署最尾話起花槽,結果搞幾個『山墳』出嚟,之後部門完全冇聯絡過我」。

譚駿賢估計工程已展開數星期,直斥「好多正常嘢你可以做㗎嘛,好整唔整整『山墳』」。他表示現正與民政署商討補救工作。

運輸署回覆《港呢啲》查詢指,收到意見反映上址有非法聚賭情況出現,向警方及其他相關部門諮詢後,安排岩石鋪砌小丘園境。該署解釋,以岩石鋪砌小丘園境為一般美化行車天橋底的設計,亦正跟進優化工程設計。該工程由8月上旬展開,預計造價約20萬元,工程仍在進行中。
---------------
《港呢啲》:大事小事騎呢事,東網嚴謹選題,輕鬆製作!