網民熱話 :科大生?完贊助玩甩底 200隻雞翼無人拎

20180829
東網電視
更多新聞短片
有科大學生向炸雞店?贊助,最終卻玩失蹤,白白浪費預備好的食物。(互聯網圖片)

大學生玩甩底,白白浪費200隻雞翼?有炸雞店於社交平台申訴,指有科技大學學生早前到店舖要求就迎新活動贊助小食,店主以「大學生係社會未來棟樑」,爽快答應贊助200隻雞翼,但對方最終卻甩底玩失蹤。事件曝光後,科大已向相關宿生會作出了解,有關成員承認於處理事件手法上有所不當。涉事學生則於今天(29日)晚上到炸雞店向店主道歉。

位於西貢一間炸雞店店主在其Facebook專頁分享親身經歷。姓陳的店主稱,兩星期前有科大學生到店舖向他展示學生會「冰川社三學生會迎新營贊助計劃書」,希望店主能贊助活動小食,「只係少許食物贊助,當係幫吓佢哋。」

不過他對這班學生年輕人態度頗有微言,「一句多謝都無,反而話(贊助)可以幫到我哋小店喺科技大學做宣傳。」他不滿說:「老實講,如果我哋真係想做宣傳的話,實在有大把平台啦...難道佢覺得我哋應該要感激佢嗎?」

店主按對方要求,約定今日(29日)早上10時在店內交收,由於雞翼數量不少,他特意安排人手預早2小時回店預備食物。當食物準備好後,他再聯絡有關學生,但對方竟在1個小時後回覆:「sorry(對不起)」、「cancel(取消)」,更封鎖店舖的WhatsApp電話。

「其實我哋真係好嬲,點解可以咁過分?佢浪費嘅除咗係我哋嘅人力時間,最重要係浪費咗我哋嘅食物同一番心意。現今嘅年輕人,唔係全部,只係指某部分,點解連一點點嘅尊重、禮貌同埋珍惜都唔識。」他又反問是否不應該做好人,「只是希望世界多一點愛,多一點互助,多一點正能量」。

至於是次事件是否會令他以後不再信任學生?陳謂:「咁又唔會,相信係一小撮人,香港學生係好嘅。如果佢哋真誠道歉都會接受。」問到最後如何處理該200隻雞翼,陳笑言:「分晒畀隔離店舖同埋自己食,仲有半盒。(損失幾多?)唔係用錢去衡量,而係心靈上嘅損失。」

事件曝光後,涉事的科大學生傍晚親到店舖向店主道歉,店主亦大方接受:「想件事告一段落,唔想令班年輕人太大壓力,我都原諒咗佢哋。」

網民有話說:

梁金金:垃圾大學生!

Nelson Lau:其實唔教好班下莊,上莊係有責任嘅

Leong Chung:我幫襯過幾次...喺西貢嘅...睇住佢哋喺舖頭炸都覺得辛苦...太浪費喇... 人哋啲血汗

Siegfried Lee:呢類事件都唔係第一次啦,鬧完下次仍然會有其他學生組織咁樣。佢哋都唔覺得自己有問題。

Cherry NG:真係好過分,唔好話大學生,佢呢種態度做初中生都比(畀)多佢!

※緊貼網民熱話,掌握最熱話題,請關注網民熱話fb: 
http://on.fb.me/1L3m1ro