網民熱話：搭巴士唔畀錢　野蠻阿婆妙答：好快落車

沙田水泉澳邨由於位處山上，對不少長者居民出入或會感吃力，因此巴士及小巴成了他們必須的交通工具，但居然有人認為該段路車程短，不用付車資，更與巴士車長展開一場舌戰。

有自稱行走水泉澳邨路線的巴士車長在 Facebook 專頁「西客之道 HIspitality」，分享野蠻阿婆搭「霸王車」經歷。車長稱當天在水泉澳邨開出的巴士上，一位婆婆上車沒有支付車資，於是他提醒：「阿婆，你未畀錢啊！」豈料阿婆仍不肯付款，反回答他：「我好快就落車啊！」面對阿婆無理回應，他一直耐心解釋，惟阿婆堅拒支付車資，他惟有要求阿婆在下站落車。

可能阿婆見車長不肯就範，於是使出苦肉計「還擊」，一時聲稱自己冇帶錢出街，一時又對車長說：「你可憐阿婆得唔得先？」，他無奈表示：「你又可憐我得唔得？我打份工啫！」就在此時阿婆態度180度轉變，由本來楚楚可憐變成野蠻，直斥他「恰阿婆」：「有冇搞錯啊！司機蝦阿婆啊！」車長最後惟有再次「驅趕」阿婆落車：「得啦得啦！唔好再扮啦，落車啦！」

搭霸王車不成的阿婆最終屈服落車，但臨走時仍「得戚」向司機表示會再「挑戰坐霸王車」，「你唔畀我搭，我搭第二部(巴士)！」該車長無奈感嘆：「自從轉咗去揸水泉澳之後，日日都見證住無數咁多嘅奇人異士出現...」。

網民斥責阿婆態度極無恥，明知搭車要支付車資，亦刻意不帶銀包，「分明想坐霸王車啦！」、「2蚊都唔畀？會唔會太差？」有網民諷刺阿婆是向一套以慳錢為題的電影致敬，模仿劇中主角不斷搭霸王車至目的地的劇情。

網民有話說：

張國榮：真係，兩蚊都呃...

莫梓科：咁到最後佢有無落車啫？

Tsz Ki：佢係咪以為穿梭巴士呀？

※緊貼網民熱話，掌握最熱話題，請關注網民熱話fb：