政Whats噏:外父公院做手術 陳沛然唔敢響朵

20180913
東網電視
更多新聞短片
陳沛然為業界出聲,批評特權分子打尖唔啱。

公立醫院輪候時間長,唔少人都希望靠熟人打尖,盡快得到診治,過往都聽過唔少例子。不過,醫學界立法會議員陳沛然就有唔同睇法,仲要連外父都無情講添!

陳沛然今日(13日)喺網誌自爆,外父最近要去公院做手術,佢與同樣身為醫生嘅太太當然擔心,但就選擇尊重外父同埋主診醫生,唔敢向醫院求助,即使外父術手傷口發炎,依然半句聲都唔出,更形容去探病時要微服私訪,因為唔想向醫生護士施壓咁話。

佢更透露醫院常見嘅畫面,就係醫生護士會遇到特權分子,仲有人收過議員同政黨卡片添,結果搞到醫護工作百上加斤,但又敢怒不敢言咁慘。

陳沛然今次就為業界出聲,批評持權分子容許打尖已經唔啱,仲要施加壓力,建議佢哋唔好運用權力,而係乖乖畀錢睇私家。佢更叫業界幫手搜集證據,之後交畀其辦事處,就會有專人跟進,各位知名人士真係要醒醒定定,唔好以為打尖無人知喇!