每日一片:讓線拒讓險炒低阿Sir 大懵司機懶理照開車?

20180914
東網電視
更多新聞短片
7人車懶理讓線直駛,險將警察電單車撞低。(Facebook專頁「馬路的事討論區」影片截圖)

不少駕駛者在深夜駕駛時都會因車少人少而漠視交通規則,不過警務人員可能隨時在身邊出現。今日(14日)網上瘋傳一段車Cam片段,片中一輛警察電單車在巡邏時,險遭一輛從小路駛出的7人車撞倒,幸電單車及時閃避,雖有驚無險,不過司機相信難逃食「牛肉乾」命運。

現場是跑馬地奕蔭街向成和道方向,事發於今日凌晨2時。片段開始,一輛警察電單車行駛期間,一輛7人車突然從左邊小路駛出,不過司機似乎漠視地下劃上讓線,竟未有停下而直接向前駛,差點將駛至的警察電單車撞低。不過離奇的是,7人車司機似乎未察覺嚴重性,更繼續開車走人,最終警察電單車響起警號將對方截停。

事件引來網民嘲笑,直指7人車司機「抵死」,更笑稱司機要停牌,「成日有呢啲XX,讓線睇都唔睇就X衝出嚟!」、「由頭到尾都無諗過要讓車,係阿Sir閃燈先知瀨嘢!」、「阿Sir閃晒燈司機都仲唔知咩事,真傻定假傻?」