政Whats噏:陳恒鑌凸肚腩 辯稱衫色累事

2018年10月11日 16:16
東網電視
更多新聞短片
陳恒鑌(左二)被蔣麗芸(右一)和梁美芬(右二)嘲笑有肚腩。(徐家浩攝)

立法會復會,一眾議員隔咗個暑假無見,見面自不然互相點評一番。民建聯蔣麗芸(Ann)聯同經民聯梁美芬,一齊「攻擊」自己黨友陳恒鑌(Ben),猛話對方暑假過後變咗大肚腩,搞到阿Ben爭啲要剝衫澄清。

阿Ben話今日(11日)突然好多人話佢大肚腩,佢就大呻係今日着嘅衫出咗事。原來佢今日着嘅灰色T恤,係由上而下漸漸變淺色,佢話淺色予人感覺較寬身,最淺色嗰位又啱啱喺肚腩位,結果造成誤會。不過,佢亦承認自己無腹肌,只有「六神合體」。

之後輪到阿Ben同Ann讚梁美芬瘦咗,阿Ben乘機復仇問係咪壓力太大,梁美芬否認,話係瘦身成功,又哄埋阿Ann度,用手機展示自己瘦身後嘅相畀阿Ann睇,不過阿Ann似乎唔多受落,爆咗句「睇呢啲做乜,睇你兩個仔好過啦」,引嚟全場大笑。