6呎長緬甸蟒啟業邨花槽搵食　蛇王徒手活捉

蟒蛇匿花槽覓食走唔甩。今日(24日)凌晨1時24分，一條蟒蛇疑「落山」到九龍灣啟業邨啟祥樓對開公園花槽覓食，保安員巡經時發現，恐會對途人構成生命威脅，即時報警。警方封鎖現場並急召「蛇王何」到場協助。蛇王徒手捉實蛇頭將其從草叢拉出，及後用腳踩住蛇尾，蟒蛇一度纏住蛇王手臂掙扎，最後蛇王將其成功收服，並帶走處理。

據蛇王表示，該蟒蛇品種為緬甸蟒，雄性、年約6歲、約6呎長，相信牠當時是到花槽內尋找老鼠當食物，事件中無人被蛇咬傷。