辯方否認商人逼口交　女律師哭稱：講出嚟好馨香呀

58歲已婚商人陳偉強被指涉襲擊及性侵犯比其年輕25載的律師女友案，今(25日)在高院續審，事主X續接受辯方盤問，談及有關X指遭被告襲擊及強迫口交的事。

辯方先要X確認她當日向警方描述，被指是她與被告的第三者蕭先生當日到她家談公事之書面證供是否準確，X即激動表示：「做乜要挑剔我。」又指錄口供時很混亂及疲憊，故未必每個字均準確。

辯方指出，案發當日根本無出現過襲擊事件。X即大聲高呼：「梗係唔係啦！」辯方再指，其後亦無出現過被告用武力逼X口交的情況。X即激動且哭稱：「佢點可以咁講嘢！我做乜要屈佢呀！同全世界講晒出嚟你覺得好馨香呀！你覺得同全世界講對我無影響呀！」X又指：「你估叫我X就真是X呀，全世界都知我係邊個‧‧‧‧‧‧唔值得我要用下半世時間面對全世界‧‧‧‧‧‧我都有軟弱嘅時候。」其後X稱未能繼續作供，法庭遂提早休庭，她明天(26日)繼續作供。