政Whats噏：莫乃光54歲牛一　朋友讚似44歲

立法會資訊科技界議員莫乃光(Charles)今日(25日)生日，由於立法會續會，所以都係喺會議中度過。不過，都有議員記得佢生日，同屬專業議政嘅會計界梁繼昌，以及教育界葉建源就同佢切蛋糕，葉建源仲喺Facebook上放咗合照，爆埋Charles今年54歲添！

雖然畀葉建源爆咗年齡，但都有朋友留言讚Charles個樣似44歲，無喇喇年輕咗10年，Charles仲以「Wakaka(哇哈哈)」咁回應添！有乜生日願望？早排出現突發性失聰嘅佢就希望來年身體健康，仲話雖然依家好番晒，但有時太夜瞓就會出現耳鳴，好似提示佢要去瞓覺咁，所以嚟緊會盡量早啲休息，少啲用電腦。