你要知：唔畀自己瞓先最好瞓？4個貼士向失眠講拜拜
20181026
東網電視
更多新聞短片
2分鐘入睡法是指要先幻想躺在舒適的地方，再叫自己「唔好諗」。
工作壓力大以致失眠，隨時晚晚「眼光光望天光」。睡眠時數節節下跌的香港人，還要面對失眠的折磨，有網民就翻書發現「2分鐘入睡法」，聲稱可輕鬆對抗失眠。有曾用此法的網民成功於數分鐘內入睡。到底此方法，會否真的令失眠人立即入睡？
「2分鐘入睡法」奧妙在於要求失眠者躺在床上，閉上眼、放鬆身體，幻想躺在舒適的地方，例如草地上，再重複地告訴自己「唔好諗、唔好諗、唔好諗！」精神科專科醫生、香港睡眠學會榮譽秘書長林少萍解釋，「呢個方法混合咗醫學界常用，用嚟幫失眠人士嘅意象放鬆法同矛盾意向法。」意象放鬆法是指，想像一些感覺舒服的環境或景象，從而進入放鬆的狀態，感覺愈輕鬆便易於入睡。
「唔好諗」其實是矛盾意向法。林解釋，「人其實有個傾向，愈叫你唔好做，你就愈想做。正如叫你唔好諗一隻粉紅色大象，個腦就會即刻諗到一樣。」因此，這一個步驟其實是強迫人繼續幻想那舒服的景象，更易入睡。
失眠人士通常會躺在床上迫自己早點入睡，「你愈咁諗，就愈緊張。」因此要睡着，便愈要告訴自己「唔好瞓，唔好瞓」。不過矛盾意向法並非人人有效。曾有人認為此方法好「黐線」，「我明明好想瞓，點解仲叫我唔好瞓」，但用於焦慮感較高人士則頗為見效。
不少人在睡覺前思緒特別混亂，想法亦會特別豐富。想要跟失眠說再見，林也有4個小貼士給大家！「喺瞓覺之前兩三個鐘唔好食大餐、臨瞓前45分鐘唔好望鐘同用電話、瞓之前可以試吓飲熱鮮奶或者香蕉、同用熱水浸腳。」林指出，睡覺時太飽或太餓對睡眠質素都有一定的影響。另外香蕉有鉀質，或會有助睡眠，但情況則因人而異。
有嚴重失眠問題的病人或以服藥幫助入睡，但林特別提醒，不適當服用有機會造成依賴，更不應自行服用，必須由醫生處方。惟服用藥物始終不是最佳方法：「最緊要都係搵一啲可以令自己放鬆嘅方法！」
-----------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！