每日一片:電單車緊貼貨車飛馳 網民嘲花式自殺

20181030
東網電視
更多新聞短片
跟車咁貼,到底所為何事?(互聯網)
「跟車太貼,易生意外」、「最少保持兩秒距離」這些宣傳口號相信大家一定十分入腦,但是否人人揸車時都會記得?有網民上載一輛電單車於公路上緊隨前車而行的影片,惹來熱議。網民嘲電單車司機是「花式自殺」。
網民Jack Ma於Facebook群組「香港花生友」上載有關片段,並留言問:「有冇花生友明佢點解要咁做?想自殺?」從片中可見,一輛電單車於公路上,尾隨一輛貨車行駛,兩車相距連一個電單車車位都沒有,更不時愈行愈貼。萬一貨車突然急煞,後果不堪設想。連拍片者與同行人士亦嘲笑說:「好想問佢乜嘢事,佢嗰樣好囂張。(同貨車)好X近。」
不少網友看過片段後,戲謔稱是電單車司機在公路上「破風」之舉:「一個賽車手,食氣流是正常吧!」「賽車手上身:要食住氣流,等抽出爬頭!片主咪阻頭阻勢!」亦有人笑言司機借貨車車身擋風:「睇佢條X樣應該凍得滯擋風啦!不過有啲危險囉!」有網友則用「流體力學」圖替司機解釋:「貼住車尾食尾流可以用比較少動力,跑得更快。」