港故:靚Miss揸書車行勻全港 盼街坊再愛上閱讀

20181104
東網電視
更多新聞短片
女教師菜菜子以麵包車載着二手書,到香港不同社區給予市民閱讀及交流空間。(賴振聲攝)

「書可以令我個人舒服啲,唔會令我寂寞,甚至可以話係有安全感。」自言不愛走動的菜菜子從小與書作伴,喜歡瓊瑤愛情小說的轟烈,也愛赤川次郎偵探小說帶來的驚喜,她不諱言書本陪她渡過了不少孤獨時光。

為圓夢轉職 兼任圖書館主任

菜菜子任職中學中文教師,工作壓力令她想做更多喜歡做的事。機緣巧合之下,知道現時任教的學校聘請老師兼任圖書館主任,便毅然轉職,一圓當書店店長的夢想,「雖然目前開唔到一間書店,但我起碼工作嘅時候都同書有關。」

成為圖書館主任後,菜菜子說自己多了一份使命,就是要推廣閱讀,「我見小朋友、大人都逐漸遠離書本,我係咪要做啲嘢令佢哋搵到睇書嘅樂趣呢?」菜菜子相信,閱讀能增長知識之餘,也可以令學生變得更成熟,因此她會先了解學生的閱讀口味而引進不同題材的書籍,希望激起他們閱讀興趣。

工餘辦活動 冀連繫不同人

在菜菜子眼中,書本的力量不止能影響學子,也可豐富成人的心靈,「我諗好多香港人都係每日庸庸碌碌,佢哋都唔記得自己心靈有咩缺失需要填充。」於是菜菜子工餘時,會在一些市集擺設二手書攤,讓人「打書釘」和交流聊天。但漸漸地她覺得做法被動,「去市集嘅人可能係純粹想買嘢。」因此出現了「流動書車」的念頭,將書放到車上,駛到不同地方讓人自由閱讀。

一個念頭可以成功實行並不容易,幸好菜菜子遇到志同道合的同工,他們一同為書車搜羅二手書,「二手書係有種質感、溫度,本書前一個主人睇過,可能仲會喺書上寫一啲字句,或做咗啲筆記,我就當係一種緣份。」她指這樣做也是希望延續書的生命。

流動書車充滿着人情味,也吸引了有心人的幫助。活動需要的麵包車,就是由租車公司老闆Siky以成本價租出,「而家科技資訊氾濫,既然有一班人支持睇實體書,我都覺得要保持呢個傳統。」

望走勻十八區 帶閱讀空間予公眾

「菜菜子書車」成功出航令她非常欣慰,「正正就係我哋預期想做到嘅事,真係可以令香港人腳步停落嚟,佢哋都願意走過嚟花一啲時間,揭一揭書,甚至席地而坐,我哋會有時間傾偈,呢個氣氛就係我哋想做嘅。」

雖然可以做自己喜歡的事,但要兼顧正職也令她頗辛苦,幸而收到不少讀者的支持,令菜菜子有動力走下去,「雖然呢件事好似吃力不討好,但我好想繼續進行落去,正正就係想走勻十八區。」

走勻十八區,就是希望令大家都感受人與人之間的溫暖,「原來大家唔係咁陌生,有一本書去做一個牽引,大家可以借住本書認識大家,我覺得令社區氣氛好和洽、好溫暖。」

今集《港。故》用7分半鐘,帶大家遠離煩囂,走上菜菜車的四個轆書屋,到香港各區感受這種久違了的人情味。

-------------
《港。故》:東網每周專題習作,講故事、講香港人的故事,請關注《港。故》FB:http://bit.ly/oncckonggu_FB 

Follow埋《港。故》IG,睇更多精彩靚相:http://bit.ly/oncckonggu_IG