政Whats噏:同游月華撐枱腳 游蕙禎單眼赴會

20181105
東網電視
更多新聞短片
游月華(左)和游蕙禎(右)共晉午餐,但游蕙禎變咗「獨眼龍」。(游月華fb)
青年新政游蕙禎接連因宣誓風波而遭取消立法會議員資格,和被判非法集結罪成而入獄,事後她漸趨低調,少有公開露面。不過今日(5日)法政匯思游月華就喺Facebook貼咗二人共晉午餐時嘅合照,殊不知唔見游蕙禎一排,佢竟然變咗「獨眼龍」,左眼上貼咗紗布,唔通佢畀人尋仇打腫咗一隻眼?
據悉,游蕙禎係因為做運動受傷,而唔係被尋仇,所以游月華都有祝佢早日康。不過,游蕙禎雖然得番一隻眼,但游月華都直言「影相壓力都幾大,真係讓你一隻眼,都贏你幾條街」,暗讚游蕙禎靚女。話雖如此,游月華喺貼文最後都講「好似姓游嘅女仔普遍都係大眼妹」,唔知佢係咪想講其實自己外表都唔太差呢?