餐廳放飲管 供食客自取 小員工慘被公審

20181106
東網電視
更多新聞短片
你哋又撐唔撐「無飲管」?

環保風氣盛行,不少連鎖餐廳相繼推出活動,鼓勵食客走飲管。惟近日有環保人士發現,有連鎖食肆擺放飲管供食客自取,批評做法並不徹底,「無飲管」淪為口號。

Facebook專頁「環保再用 Reuse Save Earth」星期一發布一段片段,只見有連鎖食肆在取餐處旁邊放置了一個飲管盒,貼上「無飲管」的宣傳海報及宣傳字眼。

惟有環保人士認為做法不妥︰「呢個產品係冇用㗎嘛…有客要用嘅時候,先至問你哋攞,個活動原意係咁樣嘛」,他又質疑是店員陽奉陰違︰「你話擺喺度任人攞,係咪公司同你嘅政策係唔同嘅」。

食肆店員對於該環保人士的連番追問表現冷靜,解釋道︰「有客有需要可以自助攞;冇需要用到嘅,見到個宣傳牌,可以唔使攞飲管」;又建議該環保人士如有意見,可以向其公司反映。

片段引起網民熱議,不少人怒斥︰「你鍾意環保咪唔好攞囉,有需要咪攞,難為啲員工做乜」、「人哋打份工咋,仲大大聲以為自己好威」;有人則認為該環保人士矯枉過正︰「出少句聲當幫忙啦,依家只係醜化緊走飲管咋」。

該食肆回覆《港呢啲》指,每月8日均會收起飲管盒及不主動派發,鼓勵客人減用即棄塑膠飲管,強調一直致力支持環保減塑,希望能在保持優質服務的同時,亦能珍惜資源。

該食肆續指,正積極籌劃各項減塑計劃,包括逐步減少使用即棄食具及分階段棄用外賣發泡膠盒等,希望進一步實踐環保減塑生活。

香港海洋公園保育基金回應指,今年為以更廣泛及持續的方式鼓勵市民減用即棄塑膠飲管,推出「無飲管運動」。基金將向各參與單位發出問卷,全面調查實際執行上所遇到的問題、前線員工的困難及顧客反應等。

基金指,正計劃為參與「無飲管運動」的單位舉行環保講座等教育活動,讓員工更明白「走飲管」的重要性及為環境、海洋可帶來的正面影響。
---------------
《港呢啲》:大事小事騎呢事,東網嚴謹選題,輕鬆製作!