政Whats噏:都市農圃種有機菜 利蘊蓮化身農夫

20181108
東網電視
更多新聞短片
利蘊蓮(白色外套)落田種菜時同班義工有傾有講。(受訪者提供)
早前「山竹」襲港,搞到四圍都塌樹,農民都好大損失,更何況係都市農圃吖!話說銅鑼灣希慎廣場38樓天台有個都市農圃,原來嗰度種咗一批有機嘅意大利生菜,諗住用嚟義賣做慈善,點知喺山竹吹襲下,唔少菜苗都被摧毀,所以一班農夫同義工要急忙重新落種,務求趕及今次義賣。
其實呢個農圃已經做咗5年,主要係想推動可持續發展,就連希慎興業主席利蘊蓮工餘時間都化身農夫,落手落腳去種菜㗎!睇佢同班農夫、義工一齊種菜,有傾有講,大家種菜都種得好開心。
以銅鑼灣呢個黃金地段嘅地價嚟計,呢批香港製造嘅有機意大利菜可算係全港最貴嘅疏菜,仲有未計班義工付出嘅努力。雖則係咁,為咗令市民可以食到生菜嘅鮮甜味道,到時農夫團隊會喺開售前半小時,先喺天台農圃收割有機生菜攞出嚟賣,務求以最新鮮嘅狀態出售,同場仲會出售由基層婦女製作嘅攬枕義賣,所得嘅收益扣除成本後,會捐畀樂餉社,齊齊對抗飢餓同減少食物浪費。