政Whats噏:李漢奸梁家傑又外訪「唱衰香港」

2018年11月08日 19:13
東網電視
更多新聞短片
李漢奸梁家傑將會到法國出席歐洲議會大會。

再有泛民大狀外訪「唱衰香港」,今次輪到民主黨創黨主席李柱銘(李漢奸)及公民黨前立法會議員梁家傑,佢哋於下周一(12日)至下周四(15日),會到法國出席歐洲議會大會,梁家傑出發前接受傳媒查詢稱,對於香港嘅情況唔會塗脂抹粉,亦唔會刻意唱衰,並事前張揚會提到中美貿易戰,希望為香港搵番一個位置喎。

不過,泛民中人「講一套做一套」,其實屢見不鮮,除咗向來係「唱衰香港」常客嘅李漢奸係表表者,梁家傑查實亦有「唱衰香港」前科。

於約半年前,梁家傑聯同公民黨黨魁楊岳橋到美國紐約同華盛頓訪問,當時除咗提到國務院於數年前發表嘅一國兩制白皮書,「雙學三子」衝擊政府總部東翼前地案等,又聲言內地近年嘅打壓力度愈來愈大喎。究竟今次李漢奸同梁家傑有乜「唱衰香港」新搞作,大家拭目以待嘞!