每日一片：私家車迴旋處打橫行　的士飛撞石壆

沙田大圍迴旋處雖然又大又闊，不過意外事件仍不時發生。日前有車Cam就拍得一架沿內圈行駛的私家車一口氣連過兩線，結果攔腰撞向外圈的的士，不過有眼利網民發現，在發生撞擊前一刻，的士一度似「篤油」前進，令事件孰是孰非，惹起一番爭論。

事發於本周一(5日)晚上8時40分，當時一架私家車沿迴旋處的內圈行駛，期間駛近至向大圍出口方向時，私家車突然連切兩線，結果將正沿外圈行駛的的士攔腰撞上，衝力下，的士更被撞至衝上石壆始停下。

由於現場路面車流不多，而兩車車速亦不高，故此不少網民對意外都百思不得其解，有人估計私家車司機大有機會因為在「玩電話」或受「盲點」影響等原因而未留意的士，「咁大條路，冇理由咁都會撞埋去」、「內線直出，世界級」、「私家車根本一路都睇唔到的士...係都要平排行，唔識收慢...私家車錯哂！」亦有網民指，意外前的士似有「篤油」動作，不過即時被其他人反駁：「佢行外圈咁畀人撞，點都贏晒」。