帶隔夜珍奶踩場 港女大鬧飲料店︰你叫我點飲

2018年11月09日 15:00
東網電視
更多新聞短片
難怪有時啲服務業員工做到躁嘅。

很多人將「顧客永遠是對的」視為真理,以為「畀錢就係上帝」。近日有飲料店前員工爆料,指有港女帶同隔夜珍珠奶茶在店前發難,怒斥珍珠發脹難食,更搗亂店面!

有飲料店前員工投稿至Facebook專頁「西客之道 HIspitality Secret」,指前幾年任職台式飲料店時,有港女在店前遞出一杯已喝了五分一的珍珠奶茶,怒氣沖沖地向他質問︰「你哋點做生意?我尋日喺你呢度買呢杯嘢,擺咗一晚啲珍珠已經發晒脹,你叫我點飲」?

該港女更一手將珍珠奶茶丟到櫃枱,誰料珍奶「應枱即爆」,他與另一名同事猝不及防,被淋到滿身都是。該港女見闖出大禍,即轉身拔足狂奔,逃去無蹤。

不少網民大罵港女無理,嘲謂︰「你哋杯珍珠奶茶擺咗一年已經發霉,你叫我點飲」、「要杯82年嘅珍珠奶茶呀」,有人質疑是同業鬧事︰「會唔會係其他競爭對手做㗎?」、「似專登想玩人多啲喎…如果唔係點會即刻走咗去」。
---------------
《港呢啲》:大事小事騎呢事,東網嚴謹選題,輕鬆製作!