政Whats噏：同「細佬」擦蟹　?雞笑晒

依家係蟹季，食大閘蟹就最滋味，夠晒肥美，就連立法會前議員單仲偕(?雞)都忍唔住口，仲笑住咁拆蟹添！

?雞日前喺社交網站上載咗張相，見佢揸住隻大閘蟹，笑到不知幾開心。原來除咗蟹味好之外，開心有兩份，佢留言話：「大仔回港一起吃番餐大閘蟹，特別好味！」難怪佢、太太同大仔都笑得咁開心。

張相喺社交網站上載之後，唔少網友都留言，話點解唔嗌埋佢哋一齊嚟擦蟹？亦有網友話睇相都覺得大閘蟹好美味，流晒口水，有網友仲話大仔同爸爸?雞餅印咁，甚至有網友話似兩兄弟添！

可能因為唔少香港蟹商仍未攞到內地輸港大閘蟹嘅批文，所以貨源有限，兼且被揭發周街有假大閘蟹賣，所有網民都好關心?雞食嘅大閘蟹貨源喺邊到嚟？但?雞冇透露喎。不過，未見佢喺社交網站貼文再講大閘蟹，相信冇中招嘅。