政Whats噏:何啟明被?Banner 反成打卡熱點

20181112
東網電視
更多新聞短片
何啟明(右)及李健聰(左)橫額雖被?爛,但反而成為打卡新熱點。(何啟明 fb)
做過地區工作嘅人,十之八九都曾經被人?過橫額,立法會議員何啟明近日喺社交網站上載一張合照,見到佢同工聯會社區幹事李健聰喺被?爛嘅橫額度伸個頭出嚟,何指橫額被?後,見到區內嘅小朋友咁影相擺上網,佢就有樣學樣啦,仲話嗰度變成咗竹園南邨嘅打卡新熱點,睇嚟因禍得福噃!
何啟明喺社交網站貼完相,又寫「依家『任何人』都可以放返個3D真人頭上去,得左(咗)」。佢話,以往佢嘅橫額都好少被人整,啲人多數都係整黨友、資深立法會議員黃國健,依家到佢開始被人整,即係知名度高咗,可能都係好事。
佢又話,只有呢張橫額係被人?得咁得意,淨係?走個頭,「可能係用嚟當收藏品,或者打小人」,但就唔打算報警喇,因為附近冇閉路電視,相信好難捉到人咁話。