美容針奪命：女士心慌慌　冀加強監管醫學美容

52歲女子注射肉毒桿菌針後昏迷，留醫不足一日後死亡，事件引起一眾女士擔心。其中李小姐稱，對事件感憂心，身邊有朋友曾注射肉毒桿菌針，朋友會盡量找相熟或有信譽的醫生，減低風險，而她本人則未試過，笑稱：「可能好多年後先要打」，她建議相關部門要審視現存規例有否灰色地帶，要加強規管，包括醫生的資歷或用藥份量等。何小姐則表示：「當然會驚啦，自己唔會試，始終係其他物質打落塊面度。」身邊亦無朋友試過注射。

黃小姐亦感到擔心，稱：「市面上好多美容中心無監管，啲女仔又貪靚，見到有新產品就去試用，唔會知對身體有冇唔好，或者有冇危險性。」她希望政府當局能對相關的醫學美容療程或美容中心等加強監管，保障市民安全。

而分屬好友的譚小姐及李小姐指，身邊有朋友注射肉毒桿菌針，知道打針會有風險，若注射在錯的位置，會引致「面硬」等副作用，希望政府可對醫學美容療程加強規管。另一名市民黃小姐稱，自己不會注射肉毒桿菌針，稱：「因為始終啲化學物質打落塊面都唔好，身邊朋友亦無人曾接受注射。