網民熱話：男子倒掉浪浪糧食　對與錯惹網民激議

社會上不時都會發生虐待流浪動物事件，但仍有不少愛護動物的義工會到各區為「浪浪」貓狗送上食物和水。近日有將軍澳的動物義工發現有人將放在路邊給貓狗的食糧倒掉，於是將男子照片上載網上，以圖公審。有網民認為男子行為不可取，不過亦有人指餵飼「浪浪」隨時變成「養老鼠」，帶來環境衞生問題，引來雙方一場激議。

網友Patrick Chan昨日（12日)於Facebook專頁「將軍澳」發文，指稱一名在將軍澳景林邨出沒的男子，稱「將義工餵浪浪貓啲乾糧及水倒掉，有時將啲水倒落啲乾糧度，再用石頭壓住啲糧食。總之，等啲浪浪無法食到啲糧，飲到啲水」。又指該男子將枯葉、枯枝及大量玻璃碎放在斜坡上，「阻止義工上斜坡放糧及浪浪貓由山上面走落嚟」，形容他所做是損人不利己的事情，更強調「義工們餵浪浪會注重衞生，會用紙兜或膠兜放糧食，亦會清理乾淨」。

事件公開後，引起熱烈討論，網民怒斥該名男子「黑心」、「有報應㗎！」、「唔好再搞啲可憐喵喵」。不過亦有人認為動物義工亦有錯，「有冇搞錯呀，唔睇住貓糧餵流浪貓？咪好容易變咗養老鼠？」有人反駁指「多流浪貓少啲老鼠，生物防治法嚟」。

網民有話說：

Mary Choy：咁黑心嘅！有報應㗎！

Vivian Woo：啲喵喵好可憐呀，唔好再搞佢哋！

Connie Lee：班義工有冇搞錯呀，唔睇住貓糧餵流浪貓？咪好容易變咗養老鼠？

Numberbb Wan：四處放貓狗糧，除時引來曱甴，老鼠就大鑊啦，仲有山豬都食埋一份呀…

※緊貼網民熱話，掌握最熱話題，請關注網民熱話fb：