見普通話女無着褲嘻嘻笑　被告稱錘扑包租公自衞

天水圍村屋劏房77歲租客涉謀殺80歲包租公案，今(14日)在高院續審。負責拘捕被告倪耀偵的偵緝警長出庭作供，他指警方於案發翌日聯絡到被告，他在警誡下承認：「阿Sir，陳伯(死者陳根蘭)用個錘仔想打我，我搶佢個錘仔扑番佢，係佢郁手先，係我殺嘅」。警方之後帶被告返新界北警察總部進行錄影會面。

控方庭上播放被告與警方會面的錄影口供，被告透露在紡織廠任職管工到55歲，退休後移民到印尼，惟不適應當地生活，決定回流返港。案發時他租住涉案的洪水橋田心村村屋單位其中一間細房，另有一間中房由租客張社良租住，業主佔用大房。

被告憶述案發日早上，他到快餐店食早餐及晨運散步後回家，在房內換衫期間，死者突然拍他房門，他開門問「咩事？」死者即用粗口罵他：「X你老母呀，你周圍唱X我，話我滾女，話我搞女人」。他反問：「咁你有冇做吖？我無周圍唱，淨係同阿張講，我話老伯好鹹濕，一搵就搵兩件」，死者聽罷說：「我玩女關你X事？」被告形容死者態度「好得人驚」。被告向警員表示案發前數天，他曾見到兩名操普通話女子在死者房內，一人「無着褲嘻嘻笑」，另一人玩手機。

他稱不滿死者以粗言辱罵他，反罵死者「你鬧得我老母，我唔鬧得你老母呀，你有口，我都有口」。未幾死者衝向他，他往後退時站不穩，背脊撞到身後鐵床架，他起初還以為死者「擸刀」，後始知死者拿錘仔。

被告說：「一見佢錘仔扑落嚟，我咪一手揸住佢，一手箍頸，箍住佢頸咪掹個錘仔落嚟，係咁扑落去囉」。被告稱他扑了死者額頭兩下，死者掙扎仍伸腳踢他，他開始「火滾」，強調是自衞。

他稱事後一度以為死者「詐死」，但見到血，死者「個樣好核突」，覺得「一不做二不休」，為免留下指紋，遂拿起死者的褲包住錘仔，放入垃圾袋「打包」丟垃圾站，又用床單蓋着死者的臉，然後離開買煙。