政Whats噏：粉嶺高球場建屋？　陳家強封嘴

財經事務及庫務局前局長陳家強早前出席一個跑步活動，見到佢嘅太太都跟住佢現身，仲好細心咁幫佢整理號碼布。咁太太算唔算係「跟得夫人」呢？陳家強就話唔係，佢跑完步後，約咗太太去愉景灣打高爾夫球。

唔去粉嶺打？佢一聽到即刻大笑話唔係去粉嶺，強調「唔係會員，唔係會員」，不過以前都試過去粉嶺打波，幾鍾意粉嶺。咁如果嗰度攞嚟起樓呢？佢就話唔好講啲咁嘅嘢，對打波嘅人梗係鍾意打波，多啲場打波都唔錯嘅，其他嘢唔講啦！