你要知：家居產品物盡其用　廢物可以變法寶

不少家庭用品快將用完之際，往往遇上「用唔到」的情況，於是當成廢物棄掉。但原來有不少方法，將物品用到盡，就唔怕浪費，環保又慳家！東網就請來「家務KOL」李淑瑜(李婆婆)，分享家居慳家小貼士！

即棄雨傘套

在落雨時期，一般商場都會派發即棄傘套，以防弄濕地面。但絕大部人用完就會將傘套掉到垃圾桶，造成浪費。其實傘套亦可循環再用，李婆婆說：「平時煮飯可能會有很多葱用剩，將葱放到短身即棄傘套，尺寸剛好，可直接放到雪櫃保存。至於長身傘套，用完後可先弄乾，套上雨傘作防塵之用。」

洗碗膠手套

通常屋企有膠手套「穿窿」便棄掉，原來這些「廢物」亦有其他用途！將膠手套手腕位置剪成條狀，分別套上衣架兩邊，便成為一個防止衣物鬆脫的工具，李婆婆謂：「好多時掛起嘅恤衫好易跣落嚟，用咗佢可以啜住啲衫。」

沐浴露

如何將沐浴露或洗頭水用到一滴不剩？只要在沐浴露快將用完時，將整樽倒轉，稍等一段時間，沐浴露便會聚在樽口位置，只要開蓋就能輕易流出。另外，如果屬壓嘴瓶包裝，經常出現怎按壓都擠不出的情況，只要加入少量清水加以搖晃，便能繼續擠出，但沐浴露有機會變得較稀。

牙膏／洗面膏

牙膏及洗面膏通常採用密封式軟膠包裝，到快將用完的時候，都難以擠出。此時一個10多港元的牙膏夾就「幫到手」，先把尾部捲進夾內，一直捲到尾，逼出內裏空氣，將液體推到開口位，便能繼續使用，如沒有牙膏夾，亦可以人手代替。如果想「用到盡」，甚至乎可用校剪剪開包裝膠，將黏在膠面的牙膏或洗面膏刮走，剩下份量足夠使用5、6次，但切記每次用畢要用保鮮袋封存，以免細菌污染。

食油

當遇上門窗開關唔順，一時間未有潤滑劑點算好？原來可以用食油暫時頂替，只要滴少許在門窗的螺絲位置，同樣達至潤滑效能，非常有用。不過要注意此舉只可作救急之用，因為食油始終會衍生衞生問題，長遠還是預備一支潤滑劑「看門口」。

肥皂

肥皂愈用愈細，到最後零碎的肥皂便成為垃圾，但將細小的肥皂儲起一起，再煮熔，待冷卻凝固後，就可切開繼續使用。