每日一片:又關大橋事?大媽旅行團唔識買飛 巴士上落玩轉彌敦道

20181116
東網電視
更多新聞短片
內地團在一個疑不熟路的大媽領隊帶領下,在機場巴士兜轉,非常混亂。(Facebook專頁「巴打絲打 Facebook Club」影片截圖)
又係港珠澳大橋?自從港珠澳大橋啟用後,東涌首先淪陷,而出入大橋與市區的機場巴士,原來亦不能幸免。近日有網民就拍到為數10多人,以大媽為主的一個內地團登上往大橋的機場巴士過程。當時一名疑似領隊的大媽疑不懂買飛兼要等候團友,竟手擋車門,阻止開車,隨後更與團友上上落落巴士,導致附近交通大擠塞。
現場是尖沙咀彌敦道,片段開始,一架往港珠澳大橋的A21機場巴士停在巴士站,一名操鄉下話,身穿黃色背心外套的領隊大媽站在車門,一邊呼喚在街上的團友上車,一邊向車長查詢「哪裏買票?」似對香港「上車畀錢」方式並不熟悉,車長細心解釋一番後,大媽似乎明白,於是大聲呼喚已登車的團友落車,當各人魚貫落車,始發現人數多達10多人,當中以大媽級人馬為主,亦有數名中年男子。
眾人在巴士站擾攘一會,在其他乘客準備上車之際,大媽領隊終於找到救星,於是再度上車,加上之前未來得及上車的團友,眾人一擁而上,場面混亂,令在巴士站等候的市民亦不禁譁然,有人不滿說:「搞到成條路塞晒車」。
由於他們所攜行李都非常簡便,並不似要到機場,不排除他們都是到港珠澳大橋的短途旅客。有網民形容:「真係大鑊,機場車都畀港珠澳100蚊團搞到淪陷!」、「未開橋時都叫平靜咗一陣,估唔到一開通條橋,日日運來一車車XX人,呢條橋係咪香港人嘅奈何橋呢,唉!」、「唔好搞機場車啦!」不過亦有人讚賞車長的耐性。「見到咁都冇發脾氣,勁!」