扑車命案：叫幫「撳人」令伙記捲入兇案　車房東主感無奈

一宗扑車刑毀演變成兇殺案，兩幫人原本無仇無怨，疑因修車糾紛成導火線，最終有人喪命。警方正調查死者致死原因，而3名被捕男子仍在扣查。當中包括車房姓陳東主、一名姓陳車會友人及附近車房行家的姓鄭職員。

據鄭的僱主「添哥」稱，他的車房與案發被扑車的車房只相隔一條馬路，因份屬同行互有聯絡幫忙，案發後他翻查閉路電視，從片段看到有3名男子落車，其中2人落手扑車，一人用手機拍攝。「添哥」表示大家同行，見有人扑車，我同3、4個同事都有幫手追，「當追賊咁追」。

其後「添哥」因唔夠氣追唔到，但涉事車房太子爺及朋友追到，扑車個人兜咗一圏。「佢哋(扑車者)迎面嚟，丟咗架生入泥斗。喺嗰邊(洗車屋)有人接佢，但有一人上唔到車。」該名男子從貨車側邊走出嚟，然後絆腳跌倒，終被太子爺按在地上。

「添哥」指該名男子被「撳低」制服後，係咁發圍，得2個人「㩒佢唔住」。「添哥」報警求助，並叫自己伙記幫手按住他。「撳低咗佢，佢嗌抖唔到氣，都唔信㗎啦！」對於有伙記捲入兇殺案，隨時被控告謀殺罪名，他表示無奈。

而另一名被捕姓陳男友，本與車房東主昨晚出席車會聚會，當時約有8、9輛辣車在車房等候，原定等齊車便出發往尖沙咀，惟發生扑車刑毀事件，亦捲入命案被警方拘捕。