網民熱話：攜貓貓入超市被拒　飼主網上申訴反遭圍插

「貓狗不得內進」的禁止字眼，在公眾場所屢見不鮮。惟今日(17日)有網民稱帶貓進入超市時，被店舖保安阻止，於是在社交平台發文炮轟，更揚言以後拒絕光顧該超市，不過其行徑反遭其他養貓人士圍插，斥責他沒有衞生意識及沒顧及他人感受。

「今日突然畀保安阻止帶貓入去(超市)！啲人得閒得滯？係咪都投訴，香港就嚟變成投訴之都！」網民 아름다움 在 Facebook 群組「天下貓貓一樣貓群組」貼文，指當時他欲進入元朗教育路一間連鎖超市，惟保安以貓狗不得內進為由，拒絕他進入。他指，多年來不時攜愛貓光顧該超市，一直相安無事，因此猜測超市是收到顧客投訴，才加緊「執法」，他認為超市做法不近人情，更揚言不再光顧，「隻貓唔入得，以後我唔(會)踏入門口半步！」

事件在動物群組被大肆討論，大部分人認為事主「反投訴」行為不可取，不應將「人情當道理」，「一路都係咁做，又唔代表一定係啱嘅，真係有權唔畀你入去」、「賣食物嘅地方，真係唔應該帶動物入去，你主子(貓)喺入面食錯嘢有咩事，你都唔開心啦！」

該店舖職員回覆東網指，店舖門外有「除導盲犬以外，貓狗不得內進」的提示標語。而超市一直都禁止顧客攜帶貓隻入內，不是因接獲投訴而執行。

網民有話說：

Lee Kin Ho：要其他人接受自己喜好係咩爛道理？公眾場所帶貓仔行，嚇親隻貓走咗佬，結果也是害咗主子...

Hailie BloodyDevil：唔係個個都鍾意貓，同埋有人真係會敏感，自己鍾意，唔代表人哋鍾意。

周氏伉儷：其實寵物真係唔帶得入超市/商場，門口有告示！

Katniss Chan：你帶貓係你嘅權利，其他人亦有對貓害怕嘅權利。

※緊貼網民熱話，掌握最熱話題，請關注網民熱話fb：