網民熱話：小童戴Oversize頭盔坐車尾 網民斥鐵騎士離譜
20181118
東網電視
更多新聞短片
網民目擊小童配戴不合尺碼的頭盔坐在電單車車尾，十分危險。（互聯網）
小童坐電單車車尾，本來已非常「牙煙」，未有配戴合適的安全設備，就更危險！有網民於日前目擊一名小童坐在電單車車尾，卻配戴不合尺碼的頭盔，未能完全貼合頭部，失去應有的保護作用。網民質疑頭盔「有戴等於冇戴」。
網民Cheung Yuk Sun於Facebook「馬路的事討論區」專頁上載該照片。照片所見，現場是觀塘鯉魚門道，一名鐵騎士載着小童，以體型計小童約8至10歲，惟其配戴的頭盔明顯尺碼過大，未有貼合頭部。發文者斥責司機：「個仔係咪你親生㗎？做人呢無（冇）咁大個頭就唔好帶（戴）咁大頂帽。」
有網民大鬧「離晒譜」，認為小童戴不適合的頭盔等同失去保護作用，「應畀定合適小小嘅頭盔佢戴囉」。亦有人表示：「早幾日在坑口見到有架3輪（電單車），老豆自己有帶（戴）頭盔，個小學生囡囡就冇帶（戴）」。
根據《道路交通（交通管制）規例》任何人除非戴上認可防護頭盔，並繫緊頭上，否則不得駕駛電單車或作為電單車乘客。任何人違例即屬犯罪，可處罰款5000港元及監禁3個月。
另外，有不少網民擔心小童「唔夠秤」坐電單車，「這個小朋友夠唔夠歲數呀？」、「個細路好危險，又唔知夠八歲未...」根據香港《道路交通（交通管制）規例》，列明道路上電單車司機，不得用該電單車運載不足8歲兒童乘客，除非該兒童坐在牢固安裝在側車內的座位上。
網民有話說：
Sunlok Fung：個細路好危險，又唔知夠八歲未
Isuzu Koon：形同虛設
陳大文：條頸好攰
Bosco Chu：離晒譜
Vivian Lau：Um...這個小朋友夠唔夠歲數呀？
Ho Fai Tse：小朋友坐得應該都夠八歲嘅，不過應畀定合適小小嘅頭盔佢戴囉
Eddy Chan：我早幾日在坑口見到有架3輪（電單車），老豆自己有帶（戴）頭，個小學女就冇帶（戴）
※緊貼網民熱話，掌握最熱話題，請關注網民熱話fb：