網民熱話：藥房老闆失愛貓 拾貓者索酬行為惹激辯
20181119
東網電視
更多新聞短片
事主今午到愛協領回貓貓。(互聯網)
香港不少店主都會在舖頭養貓，「看門口」之餘亦可以捉老鼠，如果貓貓走失，想必主人會憂心不已。有藥房老闆上周遺失愛貓，事後發現貓貓被一名女子帶回家中。貓主欲領回愛貓，涉事女子卻開口索取港幣1000元報酬。事件惹來網民熱烈討論，不少網民不齒拾貓者的行為，但亦有人直言：「係愛隻貓就唔應該介意嗰1000蚊啦！」
網民陳柏雄日前在Facebook群組「走失協尋(狗/貓)香港」發文表示，愛貓於旺角走失，一名女子尋獲了貓貓，卻未有主動還貓。他於貼文怒斥：「拐子婆，勒索$1000，警已報！」他亦上載了對話截圖供網民評理。
陳先生向東網表示，他是旺角一間藥房的老闆，貓貓只養了幾個月：「當日隻貓走咗去隔籬舖頭，有客人執到隻貓，職員要佢留低電話。」他續指，職員其後與他聯絡，他遂向涉事女子索貓。
陳續指，對方最初表示不在香港，「好似唔想畀番（貓）我」，其後提出可以支付酬勞，「但佢索價1000蚊，我過唔到自己嗰關，500蚊係合理。」他表示，已在今午（19日）到愛協領回貓貓，貓貓未有受傷，失貓期間曾到警署報案。
拾獲貓貓的黃小姐則向回覆東網指，知道對方曾報警，警方亦曾致電給她。她解釋，當時未知對方是否貓主，故將貓貓暫放在家中飼養兩、三天，而因不想再受騷擾及接觸對方，決定把貓送到愛協，讓貓主自行領回，「唔係有心攞佢隻貓」。她續謂，索取酬勞並非為錢，「講笑話要1000，佢話只畀500，我心諗，養隻貓幾日，都唔止500。」
警方發言人表示，一名36歲陳姓男子於本月15日報案，指於旺角西洋菜南街42號遺失貓隻，願以港幣500元作報酬，但拾獲貓隻的女士要求1000元，雙方未達成共識，案件列遺失動物案；男子只為事件備案，不需銷案。
網民有話說：
YM Wong：一話報警即刻覆扮唔喺香港！根本想將貓貓據為己有！
Tiger Wong：樓主唔好為畀多500蚊，難為咗隻貓貓，等佢快啲返屋企！
Coyo Ma：樓主你太儍，唔好話一千，一萬都畀佢啦...講明到時一手交錢一手取貓，不過到時帶埋警察在場，睇佢唔敢唔放貓。
Mon Chiu：睇WhatsApp對話，樓主似乎問攞返隻貓，人哋未回覆你，你已經話考慮報警，換着我都會嬲嬲地！
※緊貼網民熱話，掌握最熱話題，請關注網民熱話fb：