每日一片：玩電話險捱撞　黑衣男怒睥司機轉頭即撞柱

馬路上除了駕駛者要注意交通情況，行人亦同樣要「睇路」。近日網上流傳一段片段，片中一名男子疑因「阻路」惹途經司機不滿，男子邊行邊轉頭與對方互睥時，卻不小心撞上燈柱，其撞柱情況加上司機搞笑旁述，令網友忍俊不禁。

事發於上周五（16日），當時一名司機駕車沿上環威靈頓街向皇后大道中方向行駛，而剛好一名身穿黑衣男子玩着電話在馬路前行，與其車擦身而過。據司機事後加上的旁述形容：「佢行馬路睇電話，咁我唔理，兜過佢，我褪好（車），佢話我撞到佢...佢搵個手肘批我尾燈喎！」

事件令雙方都大為不滿，互睥一輪，據片段所見，當時黑衣男越過車頭仍轉頭怒睥司機，卻未發現前面有一條燈柱，結果一頭撼向燈柱，場面極為尷尬。黑衣男事後匆匆離開。