政Whats噏:立法會用電多咗 拉布或係罪魁

20181120
東網電視
更多新聞短片
反對派喺立法會拉布,不但浪費時間同納稅人金錢,原來仲可能非常唔環保。
反對派喺立法會拉布,不但浪費時間同納稅人金錢,原來仲可能非常唔環保。立法會一份報告指出,立法會綜合大樓喺2017至18年度嘅「能源間接排放」溫室氣體排放量,較2016至17年度微升,而原因之一,正正係會議總時數增加。
呢份溫室氣體核算報告指出,立法會綜合大樓喺2017至18年度嘅「能源間接排放」溫室氣體排放量為8121.1公噸二氧化碳當量,較上一年度增加2.14%。能源間接排放主要係使用電力時產生,報告指出,2017至18年度立法會及委員會會議嘅總時數,分別較上一年度增加咗58小時及310小時,升幅分別約12%及26%,成為電量增加嘅主要原因之一。其次是2017年夏天較熱,增加使用空調嘅電力。
睇番2017至18年度,正值修改《議事規則》同審議「一地兩檢」,反對派議員喺呢兩個議題瘋狂拉布,導致不斷加開會議,自然令用電量大增啦,所以拉布極可能係立法會綜合大樓用電量及溫室氣體排放量嘅罪魁禍首。