專吼波鞋？南亞賊搜村　手推車滿到瀉

偷銀包，偷手機就聽得多，居然有人連着過嘅鞋都唔放過？近日就有南亞裔小偷潛入青衣涌美村偷走多雙波鞋，令居民大怒！

苦主星期三（21日）在Facebook群組「巴打絲打 Facebook Club」發布影片，事發地點為青衣涌美村，當時有南亞裔男子推着一架放着兩個黑色大膠袋的手推車，走近村屋。

他先是左看右看，謹慎地視察周遭環境，趁着四下無人，便上前翻找，並竊取了數對波鞋放進膠袋內。未幾他又走往樓梯上的村屋，然後拿着數對波鞋回來，一併放在手推車後便施施然離去。

苦主怒罵偷鞋賊：「偷咗我4對波鞋，隔籬鄰居6對鞋，仲見到佢架車仔個黑色膠袋滿滿的。」不少網民同情她的遭遇，並希望賊人能早日落網。

---------------

《港呢啲》：大事小事騎呢事，東網嚴謹選題，輕鬆製作！