網民熱話：母子車廂進食被勸止 寸爆阿媽窒人冇仔生
20181122
東網電視
更多新聞短片
年輕媽媽疑不滿車廂餵食時被勸止，出言嘲諷對方。（互聯網)
港鐵明文規定禁止車廂內進食，並時常有廣播提醒乘客，然而亦有人置諸不理。一名年輕媽媽在車廂內餵小朋友吃東西，甚至齊齊進食。網民看不過眼，於是小聲提醒，結果反被斥多事，更被諷刺「冇仔生」。
今日（22日）有網民在Facebook群組「馬鞍山之友」發文斥責一名年輕媽媽，「豈有此理，喺烏溪沙站往大圍方向，有個阿媽喺地鐵係咁餵小朋友食嘢，本來諗住一嚿半嚿就算，點知係咁食，連佢自己都食埋一份。」網民見此，便好心小聲提醒她，怎知那名媽媽扮聽不到：「唔知講乜喎。」網民惟有再大聲地重複一次，結果卻被斥：「關你咩事，你好煩。」對方更人身攻擊：「仲話自己生得岀好過我生唔岀」，又指「有本事搵職員拉佢」。氣得網民將事件放上網，並附上母子打格照片，稱照片「經當事人同意，放佢張相上嚟」。
事件惹來網民的熱話，有人稱自己曾多次見過相中母子在車廂進食：「冇家教！小朋友肚餓忍吓唔會死，人哋冇小朋友喺身邊唔代表生唔出，呢個女人我見過，佢哋唔止一次喺馬鐵食嘢」，亦有人表示支持樓主：「支持樓主，香港需要你呢種正義人士」。但是不少網民則認為發文者多管閒事：「貓捉老鼠，職責所在；狗捉老鼠，多管閒事」、「你好多事！」「其實人哋食嘢你可以向職員投訴，使乜自己出聲！感覺上你就係多管閒事」。
網民有話說：
Kit Mak：小朋友係要教，唔係肚餓就大晒！
Ki Hoi：如果個小朋友肚餓都冇計
Christopher Chan：放得出，但做乜打格？
Salome Cho：其實豬都生得出，仲生好多添！
※緊貼網民熱話，掌握最熱話題，請關注網民熱話fb：