婆婆手織環保袋　街市寄賣　店東︰唔會收佢錢

網上流傳柴灣有婆婆為求自力更生，以二手膠袋編織成環保袋，再寄賣於街市一間零食店內。不少網民大力支持，表示欲購買以支持婆婆的手藝及環保念頭。本網記者找到零食店店東羅太，她徐徐細訴婆婆的故事。

在當區長大的羅太於街市經營零食店約三十年，形容婆婆是「睇住自己大」，一直都認得婆婆，卻一直不知道對方名字，只知道婆婆年輕時是漁民，織袋的技術是來自編織漁網。

羅太憶述婆婆兩年前一次光顧時，請求自己寄賣網袋，本着人情味，羅太從不收取一分一毫，所有收入都會轉交給婆婆。

對網民指環保袋是以二手膠袋製成，羅太笑言大家都誤會了︰「係用新嘅尼龍繩織成嘅，舊膠袋點會整到咁乾淨，啲色咁整齊呀」。她指婆婆手織一個網袋，平均需時十日，但笑言婆婆現時生活美滿，有兒有孫，織袋只為「過吓日晨」。

環保袋掛在街市的一隅，偶然經過可能不會察覺，但卻盛戴出婆婆與羅太之間濃濃的人情味。

---------------

《港呢啲》：大事小事騎呢事，東網嚴謹選題，輕鬆製作！