陳凱欣落區拉票　指選情嚴峻一票不能少

立法會九龍西地方直選補選前夕，强調自己屬無黨派的候選人陳凱欣，今早(24日)同建制陣營嘅立法會議員鄭泳舜「行孖咇」，一齊到石硤尾一間酒樓門外進行拉票活動。

儘管陳凱欣喺鄭泳舜嘅陪伴之下，看似得到唔少路過街坊嘅支持，但陳凱欣話今次補選不但競爭激烈，按民調顯示佢更係屬於形勢嚴峻，一票不能少。至於有無擔心遭到其他候選人「?票」，呢個問題陳凱欣無正面回答，只係話正積極爭取「游離票」，希望自己關注民生嘅政綱同理念能夠打動選民，又自詡自己係5位候選人當中，最年輕同富有活力嘅一位。

雖然得到建制陣營全力支持，但陳凱欣話冇把握可以得到幾多「游離票」，惟有努力跑多啲區，接觸多啲選民，爭取未決定投票嘅人出來投佢信任嘅一票。