港故：畀兩歲半兒下廚　唔怕切親燙傷　港媽：要放手

20181125
  • 東網電視
    更多新聞短片
    年紀小小的謙謙下廚已經一年，雖然試過割傷流血，但媽媽Carrie相信這是孩子成長的必經過程。(張德輝攝)
    兩歲半的謙謙拿起水果刀，把蘋果切成小件，他的媽媽Carrie則從旁觀察着：「我覺得適當嘅危險畀小朋友接觸係好事。」
    現年30歲的鄧家怡(Carrie)是中文大學教育系碩士畢業生，學生時代活躍於社會服務及推廣創新教育，而謙謙出生後不久，她決定化身為全職媽媽，培養謙謙自主和愉快學習。
    兒子自一歲起學習煮食　試過切親燙傷
    有別於一般「港媽」，Carrie在兒子約一歲開始，就讓他分擔一些簡單的下廚工作，包括榨果汁和造飯糰等。「我覺得親子下廚係家長好值得做，無論咩年紀開始。」她解釋，謙謙很喜歡吃，對煮食有興趣又有天份，才按程度慢慢讓他嘗試參與烹調，強調並非「催谷」兒子。
    現時兩歲半的謙謙，已經累積了一年的下廚經驗，更懂得使用電磁爐和刀。「每日都有一餐會畀佢完全自己煮。」現時媽媽只需從旁提點和「執手尾」：「首先將腰果、水同椰棗放入攪拌機，完成後用棉袋擠腰果奶出嚟。」謙謙自信地說。
    其實，煮食過程中謙謙也曾經受傷，但他和媽媽也沒有因而放棄。「佢燙到後好大反應，即刻驚，但試過兩次之後，就無再重覆發生；用刀亦試過一次真係割傷流血，但佢好快就復原。」Carrie認為切傷或燙到，都是小朋友成長必經階段：「唔好怕佢會出錯同跌倒，其實佢學到嘅功課係畢生受用。」
    媽媽：「去玩先係正常教育」
    講到返學安排，謙謙同樣「與別不同」。他沒有上N班(幼稚園學前班)，反而Carrie讓他四處玩耍：「可能星期一行山、星期二博物館、星期三圖書館……我覺得呢啲被人界定為非主流嘅學習，先係小朋友真正需要嘅正常教育。」
    「我希望佢知道社會發生緊咩事，發掘真正對學習嘅熱情，而呢啲我最想佢學識嘅事情，喺主流學校缺少咗。」她覺得從生活中學習，比安坐在課室聽老師講課，更能令謙謙學懂「發問」，這正是學習之本。
    Carrie每星期亦會與其他家長同行，帶謙謙到農莊接觸大自然，並輪流主持不同的活動。「可能我煮嘢食叻，今日我同謙謙就同大家上煮食課；另一個媽媽做手工最叻，下一堂就由佢帶領小朋友做手工。」Carrie深信，家長才是主要的教育工作者。
    至於四年後，謙謙會否升讀主流小學？Carrie處之泰然：「我只知道呢刻佢最需要啲咩，我先畀佢。你唔知將來佢六歲嘅時候，可能香港嘅教育制度有大轉變，可能主流學校變成正常化少少嘅生態……我唔擔心佢會唔適應或面對咩困難，將來無論佢做廚師、醫生，抑或服務社會嘅工作，按佢興趣發展就可以。」
    各位「港媽」請留意！今集《港。故》用8分半鐘來嘗試說服妳：「別怕你的孩子切傷手」。
    -------------
    《港。故》：東網每周專題習作，講故事、講香港人的故事，請關注《港。故》FB：http://bit.ly/oncckonggu_FB　
    Follow埋《港。故》IG，睇更多精彩靚相：http://bit.ly/oncckonggu_IG