網民熱話：阿姐旁若無人打橫瞓　巴士都變睡房

乘坐公共交通工具時要有公德心及儀態是常識吧。日前有巴士乘客發現一名身穿疑似酒樓職員的黑色套裝阿姐，在巴士5連座座位「打橫瞓」，並用手袋當枕頭，毫不在意其他乘客目光，目擊者形容「咁樣坐巴士係咩玩法？」

目擊者Zimio Yip今早（25日）在社交群組發文，指在由藍田前往聯和墟的277X九巴上，見到一名中年長髮阿姐旁若無人般「打橫瞓」。阿姐在九龍灣上車，脫下波鞋，在巴士上層最後一排座椅平躺入睡。有網民笑稱阿姐睡姿，「瞓得好安詳」，更有人建議Zimio應「拎走佢對鞋」，然而Zimio指在車程中途阿姐已醒來，「仲瞓喺度玩緊電話！」

有網民語帶嘲諷說，該位阿姐有可能暈倒，應立即向車長求助，如阿姐仍沒有反應，則應立即報警，以免錯過救人的黃金時間。有人則反指「搭長途機個個都係咁㗎啦！」不過，也有人讚賞阿姐雖然躺在座位上，但仍自行脫鞋，「自私得嚟又有啲唔自私……」不過，也有網民為她辯解，「香港工作緊張，工時長畀人休息吓啦！大把位又唔阻人！」

網民有話說

黎樹森：睇佢一身打扮，唔係去返工就係剛剛收工，竟然冇人睇到係香港長工時嘅問題。

Pak Kei：煞車嗰吓成個仆落去！

GdLuck Lam：好心你執到對鞋就攞去畀司機或者站頭啦。

陳陳：瞓得好安詳。

※緊貼網民熱話，掌握最熱話題，請關注網民熱話fb：