政Whats噏:籌款晚會表演魔術 蔣麗芸呻忙驚失手

20181125
東網電視
更多新聞短片
蔣麗芸賣關子,唔肯透露表演乜嘢魔術。
各個政黨都會舉辦籌款晚會,立法會議員蔣麗芸(Ann)所屬嘅建制派政黨亦即將搞籌款晚宴,而佢就負責表演魔術,但就大呻呢排有大批工作,驚冇時間練習,最後失手人前獻醜。
籌款晚會聽晚(26日)舉行,由於今日(25日)係立法會九龍西議席補選,建制派要動員人手助選,據聞為免大家太操勞,聽晚上台嘅議員服裝從簡,男士只需着西裝,女士更自行決定,唔使刻意扮嘢。
本身係九龍西直選議員嘅阿Ann幫手助選實走唔甩,又大呻最近接連展開佔中案同七警上訴案等,「啲嘢堆埋一次過嚟」,擔心冇時間練習。至於當晚表演乜嘢魔術?佢就話要保留神秘感唔講得喎。