政Whats噏:孖住做傳譯 葉劉楊立門有淵源

20181125
東網電視
更多新聞短片
楊立門(右)同葉劉淑儀(左)曾合作即時傳譯工作。(陳宛彤攝)
有「AO歌王」之稱嘅民政事務局前常任秘書長楊立門(Raymond),與立法會議員葉劉淑儀同樣係公務員出身,曾經合作過不足為奇,但兩個竟然連做即時傳譯工作都做過拍檔,都幾有緣喎。
Raymond話當年政府只有十幾個兼職即時傳譯員,有需要先要出動,而兼職基本上只會同全職合作。佢同葉劉同為兼職,竟然會有一次由兩個兼職上場,就促成咗佢哋唯一一次合作傳譯嘅機會,計落應該有廿年咁耐添!
佢仲話兩個人做傳譯要合作,因為講夠15分鐘就要轉人接力,換句話兩個人要無縫交接,難怪佢話要有合作性喇。而佢上年仍有做傳譯工作,但現時出任香港中華廠商聯合會行政總裁就再冇時間。
葉劉話雖然要請假先可以做兼職即時傳譯員,但為免畀人誤會署長顧住秘撈唔返工,佢升至署長後就無再做傳譯,將機會留番畀後生咁話喇。